كلمات اغنية كان لك معايا كاريوكي

كان لك معايا كاريوكي كلمات

اصوات كتير حلوة لكن دماغ مفيش

بيغنوا ويطربوا لكن معاني متلاقيش

نجوم بعيد عنك بتقولك ازاي تعيش

مأساتك سبوبة بيأكلوا منها عيش

اللي يقولك احلم اتفائل ده بكرا احلى

اوعى في يوم تسلم كمل بسيطة سهلة

انت جامد انت تقدر دنيا حلوة عبي غنوة

اعمل فلوس اعمل Views

احلم وطرمخ على الكابوس

بيبعولك الهوا بيحطوا السم في الدوا

نجوم بعيد في السما

باصين عليك من فوق

جعانين شهرة فلوس وضوء

يدولك مليون امارة وانت تأخد بالذوق

يديلك مليون امارة وحلول كل المشاكل

يرمولك طعم في صنارة تأكل تتشد تتاكل

فوق اغنية او اعلان التوجه ياصاحبي عام

ويفوت ستين عام والعمر يجري أوام

يفضلوا يقولوا بكرة احلى طب يا اخي احلى ليه زعلان

كان لك معايا أجمل حكاية في العمر كله

كان لك معايا أجمل حكاية في العمر كله

الأمل في بقهم زي اللبانة

كل حاجة اشتغالة والحقيقة بقت رزالة

عاوزينك دايماً سجين وعقلك هو الزنزانة

زيهم زي الدبانة شغالين زن زن زن

صحوك من احلى نومة فوق يلا احلم

اوعاك تفكر او تهتم متزودهاش اتلم

افهم خليك متفائل وبلاش غم

حياتك البائسة بالنسبالهم غذا

بيأكلوا في احلامك الجريئة المتحمسة

انت لقمة اتاكل وانت ساكت للمعرفة عشان اللقمة

عشان تنجح لازم تبقى ساقط

فنك يبقى هابط صوتك يبقى خافت او مش مسموع

كان لك معايا أجمل حكاية في العمر كله

كان لك معايا أجمل حكاية في العمر كله

مهما ترسم على الحيطان ألف باب

لسة الحيطان حيطان والرسمة باب كداب

مهما تفرش طريق أخره لامع بالاضواء

يفيد بايه النور لما يكون سراب

يكتبوا على قبرك كان راجل طيب

عاش ومات من سكات

سنين ومرت زي الثواني في حبك انت

سنين ومرت زي الثواني في حبك انت