كلمات اغنية سل سيفك مأمون النطاح

سل سيفك مأمون النطاح كلمات

سِل سيفك تردّى الــحال يا سرجون

غده الكُهّان بسم الآلهة ~ الساسة

واختل الوضع والضيم بينا يجور

على هل الحال كلمن حابس انفاسه

مو تعبت (أكد) والموت صافح (كيش)

وياهو اللي يفكنا وكلها علّاسه

الچان اول أمس حافي بدروب (آشور)

صفا كاهن تحضر الناس قدّاسه

صار اليوم هوَّ الــيلزم حراسة

بدا يعمّ الجهل ويصير عدنا ادمان

واستشرى الفساد وزادت اجناسه

اكل بينا الفقر .. تعَّب أهلنا العوز

وقفل بابه الزمان واعلن إفلاسه

تاهت والشعب مخنوگ بالوركاء

وناقوس البطالة دقت أجراسه

استزرت والعيون بنص اساها اتطوف

ودموع الكهيل اتزيد وسواسه

استزرت ... والضعيف يريد راحة بال

وشح هذا الوكت ما طمَّن احساسه

صنم يعبد صنم ويبوِّس براسه

سِل سيفك بعد شمتاني يا سرجون

ترى استفحل السم وضحك دساسه