كلمات اغنية غرك الليل عبدالرحمن القريشي

غرك الليل عبدالرحمن القريشي كلمات

هيه ياللي غرك الليل واغراك النديم

هيه ياللي هزك الشوق والمسرا ضياع

وقفي بين الخطا والصراط المستقيم

والعبي بين التراحيب وكفوف الــــوداع

سولفي مثل المشاريه في صوت الحشيم

واسكتي مثل الشفايف ليا طاح القناع

واضحكي مثل النواوير في روضة خريم

واغرقي مثل المزاجات في غرب الرفاع

واقربي بين السوالف وكتفي والذراع

وانظري لي نظرة الشوق للشئ القديم

واغرقي بالدمع الأزرق مظاليلن وساع

واصبري مثل المسافات في صبر الحليم

واسمعي صوت الهوا يوم فليت الشراع

يوم صرتي عود ريحان ورضاي النسيم

اصبري يانجمة الصبح ماللصبح داع

قد طلبت الله وأنا بين زمزم والحطيم

شوفتك ي اغلا ثنيه ليا صرتي ربـــــاع

العيون تجوع لك جوع والله العظيم

والعشاء ب عيونك السود وعيوني جياع

وإن بخلتي قلت تكفين والدنيا متــاع

أقبلي مثل التباشير في وجه الكريم

وارحلي مثل التعازي على موت الشجاع