كلمات اغنية يامرحبا ياطيف الاحباب ممدوح العضيباوي

يامرحبا ياطيف الاحباب ممدوح العضيباوي كلمات

ياليل كنك تجمع الحزن بسكات

وتحطه بقلبي وأنا مالي سوات

غيوم حزني تجتمع كوم مع كوم

ولاعدت الساعة عشر ضيقتي جات

يسريبي الهاجس من أرض المدينه

وأفقدك يا أغلى شخص وأحلى الحكايات

لك في فراقي شعر وأحساس وشعور

ولي فالمدينه عقب غيبتك دورات

طاريك يشغل خافقي كل ساعه

وطيفك يجيني كل ماجيت ابا ابات

يامرحبا رغم الظروف الصعيبات

أشتاق لك في كل شين أشوفه

وأشتاق لك رغم التعب والمسافات

وأشتاق لك لو بعد مده طويله

وأفقدك في كل الأماكن والأوقات

أحيان أحس انك معي قاسيٍ حيل

وأحيان تشفع لك مواقف قديمات

في غيبتك كل المشاعر حزينه

حتى القصايد في غيابك حزينات

في غيبتك كل المشاعر قصايد

وفي جيتك ماللقصايد مجالات

ألا قصيد الحب والشوق والوصف

يابو جديلن كنه الليل لا انهل

ويابو صباحن في جبينك مسرات

ويابو عيونن كل ماسلهمت لي

أقول في نفسي لقلبي سلامات

ويابو شفاهن في طرفها علامه

ريقك شهد وأنفاسك أحلى العطورات

ويابو قوامن كنه الغصن لامال

غصنن جمع كل الورود الجميلات

الصدر زامي والخصر ميتن جوع

وردوفك مع الخصر ماهن سويات

وشاعرك لامنه كتبلك قصيده

يغرف من بحور البيوت الجزيلات

ويمدلك كف الوصال الندية

شف حالته بين الهجر والمعاناة

روح علي وخل عنك المعاذير

تعال وارسم بالوجيه ابتسامات

ان جيت فاعرف كل الأفراح جتني

وان رحت ياجعلك بخير وسلامات