كلمات اغنية وضحا سعدون بن فيصل

وضحا سعدون بن فيصل كلمات

ياشبه وضحً ماهي فمراح شاوية

ولا عند تاجر ولاهي عند متقاعد

ماساقها اللي موصي له شريطية

يبي يدوربها الاعلام ويهابد

في شبك بين الثمامه والفروسية

ماحافها غير عانه فالبلد راقد

عند بدويّ عين فيها وعين فالفية

يبي يحذف الشماغ ويبسط الجاعد

بنت اوضحّن يلهد العدوان والحاسد

تشبه لبكرن مع الروقه عطاوية

مدري مع سعود مدري مع فهد قاعد

ماهملوها ذوي رفاع مطغية

نوطاً على افقارها اتقول ادمي قاعد

مرباعها ريك لحد العراقية

ومصيافها من الحزوم لدمخ لاجاحد

احبها مثل حبي لسعودية

اللي لها نرخص الارواح ونجاهد

بالواقع ابعد من ادعات الحرامية

وفحلامي اقرب لها من دعوة الساجد

وخوالها ماعرف منهم ولا واحد

يازين مافيه روحه مالها جية

الا انت واللي ماهو فالكون متواجد

حطيتك بداخل العين الشقاوية

وحطيتني في فم الشمات والحاقد

ارخصلك الروح واشوف انه شوية

وأنته رساله علي اتشوفها واجد

قصيتي فيك غلطه جات عفوية

شمت على جرحي اللي له سنه ضامد

بس عتبرها عتب ولا وداعية

ونا اعتبر دم جرحي دمي الفاسد