كلمات اغنية مقصودة مأمون النطاح

مقصودة مأمون النطاح كلمات

ما قصَّرت دنياي من ضيم لضيم

هرشي نِحل والعطش يبّس عوده

ضاگت عليّ يا صاحبي وانته بعيد

وحده الصبر ما خذل چفّي يگوده

جالد على عناد الوكت والايام

ربّك كريم ولا يــوشِّل جوده

لا تخلّي عينك بالسهر معگودة

لا تطرق ابواب البشر وانته تشوف

بيبانهم عن حاجتك مسدودة

ولا تشكي حالك إلا يم راعي الحال

ناجي العظيم الما خِلف بوعوده

حاشاك ربي , حلمك ويا مغناك

ما ضاگت الا ورحمتك موجودة

اذنبت ادري وانته غفّار ذنوب

ورحمان ادري لكن بقلبي الخوف

لا روحي من يم رحمتك مطرودة

عفّرت وجهي بطاعتك وانته تشوف

چي ادري ايّام العمر معدودة

واكف على متوني التعب والأحلام

ذلّت عزيز وخلّصت باروده

ومرّت علي ساعات ما نمت الليل

ليل اليتيم الدمعته على خدوده

جفّي عفيف وحيف ينمد لعفون

ونفسي عزيزة وللأسف محسودة

شگد كدّروني اهل الغدر والارذال

شَلّو وشايج مهجتي المكرودة

وما قصّرت دنياي من ضيم لضيم

ما قصّرت بجراحها المعهودة

يا صاحبي وينك ؟ تره طالت حيل

تحتاج اگولك هاي الك مقصودة

ما داعي اگولك هاي الك مقصودة