كلمات اغنية طواري الليل ماجد خضير

طواري الليل ماجد خضير كلمات

جعل ما { للطواري } تالي الليل والي

يوم قام الهوى يكسر عليّه مهبّه

اعمستني وانا مانيب داله ،؛ وسالي ،؛

لي سنه [ قلبي ] ادنى ما يمره لعبّه

طال صبري وضيم الوقت صرّم بحالي

يالله براحةً حسناتها مستحبّه

ليتني كنت عايش في غياهب خيالي

الحقيقة مرضها ما اعرف ويش طبّه

يا رجاجيل انا موجوع والعلم لبّه

من نشدكم ليا جيتوا وجابوا مجالي

قولوا نعرفه اللي خيّبه من يحبّه

يا رفيقي ترا مانيب عايش لحالي

مير ابي لي خويً كل ما ضقت انبّه

والله اني ما احب اجرح سنافي وغالي

مير بعض الامور تحط للجرح سبّه

لا تضايق لا عديتك في الاصحاب تالي

دارين عنك من مبطي ومنك مْتنبّه

يوم خليتني فـ اصعب ظروفي لحالي

لا تجي والظروف بحالةٍ مستتبّه