كلمات اغنية ما افرح الين اشوف امي قبالي ناصر سعد الحماد

ما افرح الين اشوف امي قبالي ناصر سعد الحماد كلمات

يالقريحه حضري والشور شوري

واخذي الشي الكفو معك وتعالي

انثري كل الجزايل في بحوري

وامنعيني من قوافيك الهزالي

ودي اسجل عن العالم ظهوري

الضجيج الواجد ايثير انفعالي

ماني امعود على نقطة عبوري

لين اعبر كل مايجري خلالي

يختلف لامن كتبته من خيالي

يستصاغ امن المشاعر لاشعوري

خص لامنه كتب في شخص غالي

عاشق من دمي وعرضي وعوري

وحدة دايم طواريها في بالي

ودكم تدرون من يعني ضروري

الصراحه بنت جدي واخت خالي

امي الي شوفها يجبر كسوري

ما افرح الا لين اشوف امي قبالي

امي الي كل شطر من شطوري

مايجي في وصفها شطر مثالي

عقب الي خايف اسم امه يقالي

كيف مفخر بسمها وادق زوري

واسمها مفديه انا روحي ومالي

يوم ابويه دق سلف ودق بوري

لين وصل ودق بوابة خوالي

اشهد انه ماخذا الا زين حوري

ولا خذا الا من عريبين السلالي

يخت راشد والله اني بك فخوري

يخت من صدره لضيفانه شمالي

قلتها والله من دافع سروري

والله ايكافيك من شر الليالي