كلمات اغنية العراق من يبتسم ماهر احمد وعدنان بريسم واوراس ستار

العراق من يبتسم ماهر احمد كلمات

أوبريت العراق من يبتسم ماهر احمد وعدنان بريسم و أوراس ستار و تيسير السفير

لعراق من يبتسم

يزرع مواسم حلم

شمس الفجر من ذهب

وليل وگلايد نجم

لعراق فرحة طفل

رغم الحزن يحتفل

ولو ثلم خبز الفرح

كلمن يلوحه قسم

نرجس جبالك زها

وتوه الخريف انتهى

والشوگ مو مشتهى

مر بيك دجلة وعبر

واصبح وطن مو نهر

كل قرية تركت أثر

قصة حروب وسلم

هذا الوطن يبتسم

ويزرع مواسم حلم

ولو ثلم خبز الفرح

كلمن يلوحه قسم

يا وطن هسه ابتده

نايل محبة وحده

بروحي الربابة اشتهت

عشگين صوت وصدا

ومر بالفرات الزعل

وراح وتبدل أمل

والگاع فاضت غزل

هذا الوطن يبتسم

ويزرع مواسم حلم

ولو ثلم خبز الفرح

كلمن يلوحه قسم

بنهرين گلبي ارتوه

وليلك غسلته بضوه

بكل بيت نشعل شمع

وكل يوم نسهر سوه

دجلة وفرات التقن

وبالبصرة صاغن وطن

واحلام ما تنكتب

ولوحات ما تنرسم

هذا الوطن يبتسم

ويزرع مواسم حلم

ولو ثلم خبز الفرح

كلمن يلوحه قسم

يا وطن لم الأهل

بهور وجبال وسهل

وبكل كنيسة عبد

وبكل منارة ابتهل

مملوح گلبك سمح

تضفر گصايب صبح

هيبة وهويتك وطن

أقسم فلا ينقسم

هذا الوطن يبتسم

ويزرع مواسم حلم

ولو ثلم خبز الفرح

كلمن يلوحه قسم

معلومات الاغنية

كلمات عامر عاصي

الحان و توزيع علي القاسم

مكس وماستر ايسر القاسم