كلمات اغنية مقناص الشيخ سعود بن عبد الرحمن ال ثاني عبدالعزيز العليوي

مقناص الشيخ سعود بن عبد الرحمن ال ثاني عبدالعزيز العليوي كلمات

صاحو ونادو بالجهزاتياسعود

راحت على طيرين ياشيخ منا

راحت ترقا للسما تبغيصعود

وخالطت بيض السحايب تثنا

افزع لنا باللي لها الفعل مشهود

عوق الخريش ومنوة اللي تمنا

اللي عليه الوصف لحل مقصود

قرناس شاهين بوصفه تغنا

بكر خلوي عرضه على طوله يزود

كف من دمي الحباري محنا

الليا انزعج منك تقل ورع مقرود

اصغر عيال العود يزهمه عنا

الا واخذ ثاره ليا طار منا

لاوما على الحفان مايبغي شهود

اودع نثير الريش فالجو فنا

حول بها اللي عادته يكسب الفود

مخلف شوير اللي هقابه وظنا

جابه عريب الخال ومردد جدود

من دار اخو نوره لاداره تعنا

اوقف على ملهم ولا غيره يزود

وتباشر به من بعد ماوصلنا

هذي سوات سعود ياباغي الفود

شيخ ن لفعله بالمواقف شهدنا

يقوله اللي مبعد ن كل منقود

وراعي القفيا لو حكا ماشحنا

حنا نوردها على كل مارود

ولفعولنا بيض الصحايف حكنا