كلمات اغنية اهداء الى رجل الاعمال احمد بن علي بن سليمان اليحيى عبدالعزيز العليوي

اهداء الى رجل الاعمال احمد بن علي بن سليمان اليحيى عبدالعزيز العليوي كلمات

بعض الكلام يموت بين المحاديب

لكن بعضه نموت ولا نرده

حنا نعد اللي نشوفه من الطيب

واللي نشوف من الردى ما نعده

ورفيقنا تفداه عوج المصاليب

ولا العدو ملعون ابو جد جده

وشلون يلحق منطق العنقري عيب

وربعه من الدوحة ليا المستجده

بحر لا مد يغرق الارض مده

عد وعتاد وفرز مجد وشخانيب

ما فيه نجم بالسماء ما نقده

قبل البيوت يكربن بالاطانيب

قولوا لنا وش كانت المجرهده

وزحول دكلات السبايا المذاهيب

اليا اعتلوها خلوا الارض خده

مجد غشى حواجب عيونه الشيب

ويشيب براس الولد لو يعده

ف اليا افتخرت بهامة المجد مانيب

متيه ما للعرب من موده

واذكره لا جات المواقف واعده

ووالله ما ادور بالرجال إشعرة ذيب

مدام اخو عزه ينومس مهده

احمد ابن يحيى عطيب المضاريب

ابو علي نسل الحرار المهده

ما غير ابوه اللي امتعبه بالطيب

واللي ابطيبه تعب ابوه جده

ياشوق عين ابو الثمان المعاذيب

اللي جدليه فوق متنه يكده

من لا عرفك فلا يودي ولا يجيب

وعزي له اليا جات الايام ضده

ما انتب بشروى من نحده على الطيب

ولا يطيب ان ما لقى من يحده

لا والله الا يا عطيب المضاريب

راهي وراسك لا قدح ما ترده

تحط من ينوي ينافسك بالجيب

وكلن لا جاء لك طاري يعرف حده

وطاريك حر والمجالس مراقيب

اليا كثرن برق السوالف نهده

يابو علي حكي عليه التجاريب

من شرب من ضحضاح فعلك يعده

لك فزعة تشفي الكبود المشاهيب

ولك مدة تطغى على كل مده

وحملك يبرك شايبات المحاقيب

يا طويق يا هداج يا بحر جده

اطنخ ياراعي الصنف يابو التراحيب

ياللي يمنيك بالعطاء مستبده

علي الطلاق انك زبون المواجيب

وشيخ مكانك ما ابه احدن يسده

ولا هو غريب يا حصان الاطاليب

وابوك حلال الامور المهده

ابوك علي ان غثربن المشاريب

عد الروى لا قيل ياوين عده

وال ايحيا عن صاليات اللواهيب

ذرا لمن هاب السنين الملده

سلايل اللي مجدهم ضلع مهيب

وهيب روس المجد واهل الاشده

وهيب وان دار الرحى قلت ياوهيب

ردو علي تاريخكم من ينده