كلمات اغنية رساله لكل اخصامي سامر المدني ومصطفى الجن وهادي الصغير

رساله لكل اخصامي سامر المدني كلمات

صحيت من النوم ماسك قلبي وباخد نفسي بصعوبه

صرخت مفيش واحد جمبي لوحدي تايهه في غيبوبه

سجدت لربي من تعبي نجيت من الموت باعجوبه

رقدت شويه في سريري عشان اتعافي من تاني

بموت من كتر تفكيري ودنيتي اللي معنداني

هعيشلي شويه بقي ميري ما كله جرحني واذاني

قلبي لو حنلكوا هخصمه مش هشوفكوا مهما تمرهموا

حب مين كلكوا بتأفلموا اصحوا فوقوا ياللي انتوا بتحلموا

انتوا صفحه قديمه وقفلتها عمري تاني ما اخطأ وارجعلها

انتوا ناس بتعلم منها خدت منها الدرس كرفتها

من اللي داير دمي فاير همشي واخد جمب بعيد

عادي يعني كه باعني والخيانه عماله بتزيد

مش هسامح دي الملامح كلها خباثنه وتبنيد

كسرت شريحتي ورميتها مفيش مخلوق بيوصلي

صحابي كرهت قعدتها مهو اللي حكوه بيتقالي

ادي الناس اللي حبيتها في غيبتي بيغلطوا تملي

ما دام بتعيبوا بقي فيا سيبوني في حالي فارقوني

محدش يتصل بيا وطيروا رقمي وانسوني

هعيشها احسن لوحديا بناقص من اللي يأذوني

المشاكل عندنا بالطلب اي خصم يسوقها هيتضرب

الحويطات دول اخطر عرب دول ديابه محدش قدهم

اسم حسن العمده لو اتذكر متلاقيش مخلوق يعمل دكر

لو حسيت العمده شيطانه حضر هتنام الاعداء علي بطنهم

غيروا مني مش شاغلني انتوا مش في البال ولا علي الخاطر

خفوا قر ده انتوا شر ابعدوا عنيكم عني ياساتر

ناس حقوده نيه سوده في المصايب ليه شيطانكم حاضر

يا امي ابنك بيتألم مفيش غيرك حاسس بيا

بموت مش قادر اتكلم مداري دموعي في عنيا

جروح في القلب بتعلم عذاب الدنيا بقي فيا

في حضنك نفسي تاخديني عشان وجعوني بزياده

انا اقرب ناس بتأذيني ودمروا قلبي ببراده

ماليش غيرك يا نور عيني يا فرح حياتي كالعاده

امي دي في كوم والدنيا في كوم عمري ما اقدر علي بعدها يوم

امي عينها مبتشوفش النوم طول ما انا في حكايات او مهموم

بعد ربنا ماشي بدعاويها بدعيلك تجعل يومي قبليها

فعلا امي حنان الكون فيها مهما اشوف مقابلتش زيها

نور عنيا حاسه بيا ياما تعبت لاجلي سنين

كبرتني لا شالتني امي غير البني ادمين

مهما قولت ولا عيدت عمري ما اوصف حبي سنين

ساكنه روحي وفي جروحي عمرها ما نامت ساعتين

رساله لكل اخصامي ياريت ما ناحيتي تفوقوا

انا اللي هشوفوا قدامي بضربه هشدله عروقه

وركز سيكا في كلامي محدش برشامه يسوقه

تقوم الحرب مش فارقه حياتي انا بيها متبرع

واخد من الدنيا كام علقه هقطع عادي واتقطع

مشوفتش للعول جرأه حمل في وجودي بتبرطع

فضولي الطرقه افركوا مطاويكوا حمله وحدي بطولي هقوم بيكوا

وحش جيلوا نازل وهيديكوا الدكاتره لازم تحتار فيكوا

هسحب الكزلك مع صداده العراك بالنسبالي رياضه

احذروني انا مجرم بزياده اللي اطولوا انا هعمله سجاده

يالا حي علي اللي جاي ليكوا شوف في حكايه وروني

حيطه سد اي حد هترازوني هتقابلوا جنوني

انتوا طفش خيش وقش امتي بس انتوا شغلتوني

قولتهالكوا فوقوا لحالكوا دوغري انا بالذات تلاشوني