كلمات اغنية العز للانسان مثل الماء ومثل الاكسجين خالد ال بريك

العز للانسان مثل الماء ومثل الاكسجين خالد ال بريك كلمات

سريت ليل يتعب السارين وعيون الحزين

يسري على الملتاع والقلب المعناا يرهقه

يثر على اللي فيه خوف ونقص عقل ونقص دين

ويشوفه العاقل رفاهيه وشمس مشرقه

كنه يقول لـ من فقد غالين وين الغايبين

واللي ماتحرق قلبه الذكرى وش اللي يحرقه

اسوق رجلي والظروف تزين ولا ماتزين

اتعب ورا احلامي ومن يتعب عسى الله يرزقه

يطرد ورا حلم قضى عمره وهو ماحققه

العز للانسان مثل الماء ومثل الاكسجين

من يفقده يفقد تقاليده ويفقد منطقه

ودك ماتشكي غير للخلاق رب العالمين

من يشتكي للخلق يصبح عرضة لـ الطقطقه

مايكسر عزوم الشجاع الا قبور الميتين

عشنا على ذا الحال والميت مصيرك تلحقه

اما اسع بين اصلاح ذا القربى وبر الوالدين

ولا لاتسعى بين خلق الله عشان التفرقه

واليا انثنا عزمك تعزز في عيون الحاسدين

كم واحد وده يشوفك وسط حبل المشنقه

والرابح اللي عن علوم عداه في سمعه صقه

الفارس اللي بندقه تعرف ومرماها يبين

اعن الضعيفه تكرم يمينه وتكرم بندقه

على العموم انطلقت الرحله وحنا راحلين

اخذو كلام يرضي الجمهور والمتذوقه

قدمي من المجد المشرف مايسر الناظرين

تاريخ وامجاد ومهابه والفعول موثقه

عشاقة الشي الثمين اتدور الشي الثمين

والطيب يكفي منه تولة دهن عود معتقه

المدح ماينساق غير لواحد جنبه متين

اليا مدحت امدح رياجيل على قد الثقه

شباب بن عايض سليل الطيب والحصن الحصين

قرم على قمة صروح المجد يطرخ بيرقه

من شبته ماعاش بين الناس مكتوف اليدين

عنده على الافعال والامجاد سلطه مطلقه

الروقي المطنوخ راسه مايذل ولا يلين

الله نزع منه الردا والهون من يوم خلقه

ورد على الروقي وكنك واردن للرافدين

تجيه فالصدر غلقه وتروح مافيه غلقه

راس يبشر بالسعد في كل وقت وكل حين

يفداه راس في علوم الطيب مابش عرقه

رجل المواقف يعتق الارقاب ويفك السجين

له سمعت تطغى على الاقليم قبل المنطقه

وعياله الوافين في وقفات ابوهم مقتدين

نظراتهم دايم على متن السحاب معلقه

اسمك يابن دباس مايخفا على مر السنين

مورخ في صفحة التاريخ محد يسبقه

شعر المدح محفوظ عن غيره وفي حرز مكين

والدلبحي ماياخذ الا سندسه واستبرقه

يالدلبحي ربعك هل الطاله مقر الغانمين

اهل المفاخر والفعول اللي ماهيب ملفقه

ياما ثنو فوق الاصايل دون جرعات الحنين

كم فارس ماذاق طعم المووت قالو له ذقه

دقلاتهم لو ناشت الضلعان خلتها طحين

مايسلم من الاد روق الا من الله يعتقه

اهداء الى رجل الافعال

شباب بن عايض بن دباس الدلبحي