كلمات اغنية اسف على الازعاج معاذ موزه وعمرو شعبان عبد الرحيم

اسف على الازعاج معاذ موزه كلمات

اصعب شىء لما الدنيا تديق

وهتلاقيش مخلوق

تحكيلو تفضفض وياه

وتعرفو انك مخنوق

بتصبر نفسك بس

بكلمه فتره اكيد هتروق

وبتكدب علشان فى الواقع

حالتك وحشه وبتسوء

انا اسف ع الازعاج

وحقيقى محتاج مليون دكتور

جربت انا اى علاج لفيت ايام وسنين وشهور

شكلى هكمل وانا مكسور

ده حلال ولا حرام

سعيكم ياناس مشكور

يابا تعبان فى الدنيا

ومين غيرك انا هحكى ليه

الكوكب كلو بحالو

مفيش ولا واحد سالك فيه

شوفت يابويا اقرب صاحب

ليا عمل معايا ايه

بعد اما اديتو عنيا

ده بأديه كسر قلبى

بيقولو عنى انى مريض نفسى

وانا حالتى دى مية مية

ليه يابويا كلو بيتعامل

انى مريض فى العباسية

ولوحدى يعنى شوية

انا فايق للى داير

ومحدش ليه دعوة بيا

حتى حبيبتى اللى عشانها

فوق المستحيل

دى سابتنى ياريتها حتى

افتكرت ليا اى جميل

قولى يابويا انا اتسابت

عشان جدع يعنى واصيل

ولا انا اصلا متحبش

طب قوليلى اى دليل

انا كل حاجه قصادى قالتلى

يابويا الف وداع

وفى اى مقابلة شغل

مرفوض لسوء انطباع

متوتر دايما فى اى لمه

او اجتماع

مش عارف يابا من غيرك

مين هيشيل عنى الاوجاع

جيت احضن ابويا لقيت نفسى

بحضن حاجه مجهولة

يعنى انا فعلا ابويا ميت

للدرجادى ازاى معقولة

مش عارف استوعب

انو فارقنى وروحى فى غيابو مقتولة

دلوقتى عرفتو ليه الناس

سيبانى فعلا بسهولة

انا كل ما اقول انا فوقت

بقنع نفسى لاكن بالكدب

الواحد ازاى هيكمل

من غير ضهر ومن غير قلب

انا فعلا مريض نفسى

انصفنى والنبى يارب

ياتخدنى ياتريحنى

انا جوه منى دايره حرب