كلمات اغنية المزاين صار لابنا الباديه وابنا الحضاره خالد ال بريك

المزاين صار لابنا الباديه وابنا الحضاره خالد ال بريك كلمات

ل مطير حب في ضلوعي وتقدير

كل ابلج راسه قوي من عناده

يابو شريد وش تمنى ي الامير

خل الشعر لااهله وعش في سعاده

سيف الملك يبغى مثل سالم الزير

والعزم لااهل الحزم واهل الاراده

اللي يبى الاول يجيه من الاخير

الرقم واحد للمطاليق عاده

يقلط على الجزله وياخذ مراده

ابو خشيم معشي الذيب والطير

يستاهل التقدير قبل الاشاده

والصفر والله هي عيون المغاتير

ودك تلبس كل وحده قلاده

الروس مشالله فخامه وتاثير

واللحي يمكن شبرتين و زياده

سبالها تومي على خدها الغير

والني فاهق والسبب ف ارتداده

تشعى ملوك الارض قبل الجماهير

فيها ولع زايد وخفه زياده

واللي جنبها ماتعرف الهواده

مايضرب الميدان غير المناعير

وعين الضعيف مثل عين الجراده

نار التحدي شبها نافخ الكير

وجهه تقول ممردغه في رماده

يابن شريد دامك مثل امطير

رقم الاول لايروح اشداده

يافهد يابن شريد تدري اني غير مضطر

امدح اللي ماينومس لابته في كل هـيه

ابتجح يابن شريد واحمل النور المسطر

وارهج الميدان ب الصفرا الشناح النخبويه

والله اني في لزومك ياابن عمي م اتشطر

وقفتك حق عليك و وقفتي دونك حميه

اسمك ينومس مطير و ليت نص مطير شطر

اضرب البيدا ب ذودك واترك الباقي عليه

لين عدوانك يجيهم من مجيك ضيق خطر

والفحل يرجع يشاول ب ذنبه مثل المطيه

الملك سيفه يبي بوش عليه الزين قطر

وانت راع البل و لا ابغى ف الحقيقه عنصريه

مدحتك مثل القراح الحلو والشهد المقطر

في قواميس القوافي والمعاني النرجسيه

صايم عن مدح غيرك مدح غير ك مايفطر

ماانت عندي ب اي فارس وانت خيال العبيه

سمعتك ب الطيب فاحت وانجبت صيت معطر

و نار مجدك تلتهب في قمة المشراف حيه

ما يداوي قلبي اللي من سنتين متفطر

غير فوز اللي من الحرة نوى نجد العذيه