كلمات اغنية واحد طيب مدحت صالح تتر نهاية مسلسل وبينا ميعاد الجزء الثاني

واحد طيب مدحت صالح كلمات

العالم مش محتاج غير واحد طيب

بتقابله لأول مرة تحسه قريب

مجروح ويداوى جروح الناس ويطيب

ويغيب ويسيب ورا منه اصحاب فاكراه

لو حب يحب كإنه بيملك كل الكون

لو يحكي مع المهموم الهم يهون

بالليل بيوزع عاللي يتوهوه وعيون

والصبح يوزع عاللي يموته وحياة

مسافات تبعدنا ودنيا تاخدنا بعيد

وساعات تعندنا الساعة وتختلف في المواعيد

مسافات تبعدنا ودنيا تاخدنا بعيد

وادي ايد بتقرب تلمس ايد

وادي ايد بتسيب وتودع ايد

وادي ايد تتحط على الجرح تطيب

ده العالم مش محتاج غير واحد طيب

لو طبطب يدي لغيره

صوابع ايده الخامسة

لو يحضن يبني لغيره بيوت

لو يكره ينسى

عالخلق موزع خيره

ويموت لو فكر يقسى

وكإن طيابة الدنيا بحالها شايلها معاه

مسافات تبعدنا ودنيا تاخدنا بعيد

وساعات تعندنا الساعة وتختلف في المواعيد

مسافات تبعدنا ودنيا تاخدنا بعيد

وادي ايد بتقرب تلمس ايد

وادي ايد بتسيب وتودع ايد

وادي ايد تتحط على الجرح تطيب

ده العالم مش محتاج غير واحد طيب