كلمات اغنية صحاب بالكوم وملهمش في حياتي لزوم عبده الصغير واحمد عامر

صحاب بالكوم وملهمش في حياتي لزوم عبده الصغير كلمات

صحاب بالكوم

وملهمش فـ حياتي لزوم

صحاب قاعدة ولما بقوم

يجيبوا فـ سيرتي ويذموا

صحاب تماثيل

أساتذة يا عم فـ التمثيل

طلع حتى اللي قولت أصيل

حلنجي والجنيه عمه

أنا بطولي

لا عايز ناس أروح ليهم

مشوفش شماتة فـ عنيهم

ولا بالكدب يدعولي

فـ حالهم يلا خليهم

وانا على وضعي وفحالي

هبيعهم وأشتري بيهم

صحاب بيقدروا الغالي

زحمة ليه عـ الفاضي يعني

وأشتري فـ صحاب تبيعني

وقت ما أشكي من همومي

كله يعمل مش سامعني

محسوبين بالاسم لمة

مين فـ جرحي عليا سمى

كدابين وصحاب مصالح

وسطنا بقوا حالة عامة

صحاب بالكوم

ولما الدنيا ضاقت يوم

لقيتهم أصلهم معدوم

صحاب الجدعنة خلصوا

صحابي كتير

ووقت الجد كله يطير

مشوفتش منهم تقدير

ومعدنهم طلع فالصوا

أنا بطولي

كفاية يا عم مش ناقصة

دا وجع القلب بالكيلة

صحابي طلعوا ناس ناقصة

وعالم فاضية وعويلة

أجامل وأعمل الواجب

وأكبرهم وأعليهم

ياريته حتى كان عاجب

داسوني تحت رجليهم

زحمة ليه عـ الفاضي يعني

وأشتري فـ صحاب تبيعني

وقت ما أشكي من همومي

كله يعمل مش سامعني

محسوبين بالاسم لمة

مين فـ جرحي عليا سمى

كدابين وصحاب مصالح

وسطنا بقوا حالة عامة