كلمات اغنية لو توخذ جبال السعوديه ما توخذ نوقها جفران بن هضبان

لو توخذ جبال السعوديه ما توخذ نوقها جفران بن هضبان كلمات

اقفى من الليل العتيم الثلث وانا فانتظار

مطلع قصيده تدخل الساحه وترفع سوقها

احايل الشرد من الافكار وافك ازرار

والعين مسهرها ونوم الليل حارب موقها

افهق عقالي وافهق ام البن الاشقر والبهار

واقند الراس بفناجيل عليه اسوقها

من يعشق عيون الادب والجزل يمتلك الوقار

والفارعه فالشعر تعشقني وانا معشوقها

اورد اللي كنها تارد من حلوق القصار

ليا نشبت علوم الهداريس الضحى فحلوقها

ومن يدحم كبار المناكب مايعاين فالصغار

ومن يعتلي يم السماء العالم تشوفه فوقها

ويمكن مايعرف صادق الامه ولافاروقها

والمعرفه تاج العقل والحكمه سلاح الكبار

وتميز عقول الرجال اليا بدا منطوقها

اخذت درس من الزمن لو ان وجهه مستعار

ولاني مصدق راعي البشعه ولو ايذوقها

عزوم الرجال تمسها الوقفه ليا امتس النهار

وسلم على الي يحفظ الرفقه ويدرى حقوقها

شروى الكريم الي محله مدهل طوال العمار

سلطه على الحشو الشتاوى والبدو وربوقها

هذاك ابوعساف مذكر يوم للاسمى وقار

راس قحطاني ماعنده غير قدم ايسوقها

حاز المراجل من صغر سنه بسطوه وافتخار

ومدايح الشعار يم اسمه تلوح بروقها

لو الشعر يعجز عن افعوله لو ايحوفه نزار

صيته مثل شمس الضحى لشعشعت بشروقها

واخوانه عضوده حرار من مواكير الحرار

روس الرجال اللي تطيب وطيبات وفوقها

محمد اللي جعله الجنه وتحت عذوقها

ومن ربعه الحرقان طاول بسمه نجوم المدار

قبيلة وقت الخطر مافيه شي يعوقها

وعاد قحطان اصل العرب يوم الفعل فوق المهار

لو توخذ جبال السعوديه ماتوخذ نوقهااا

ولهضم حقوق اهل الوفاء من كل قوم وكل دار

عيب على الرجال ينقص فالرجال حقوقهاا