كلمات اغنية يا حرب الدول يا نصرة البيرق الخفاق شبل الدواسر

يا حرب الدول يا نصرة البيرق الخفاق شبل الدواسر كلمات

لعل المزون اللي كشف خدها البراق

ف ليل عتيم ويلتجب صوت راعدها

تنشى من البحر الحمر و اتخرج وتساق

وتمطر على حسب المحذر بموعدها

بقدرة كريم ضامن وكافل الارزاق

اله مانحصي نعمته لو نعددها

هو اللي لو ان ظروفنا ماهي ب تنطاق

ليا من رفعنا له يدينا يبددها

ماجدنا لنا غايه بنبلغ مقاصدها

يمين الكريم تجود ونقول ماتنعاق

فداها البخيل اللي يمينه توسدها

ترا الناس ماتبغى سوا الطيب والاخلاق

وسمعه تشاع لـ كل من جاك يحمدها

ودقنن ماتحمى الماقف الصعب للحلاق

عساها بمن في كل يومين يجلدها

انا شاعر دون القبيله ذرا و رواق

لو انه بعيد مسافته ماتباعدها

لا من غبت اجي واروي هل الشعر و الاذواق

بـ دلة شعر بأفكار راسي مقندها

جزيل النوادر من بيوتي فرايدها

هلا مرحبا ترحيب من صادق الاعماق

باسم من مواقفهم لايمكن نحددها

بني عمي اللي كل ماضاقت الافاق

عليهم صعيبات الدعاوي نسندها

ولدهم على علم المراجل يجي سباق

يخطف المراجل خطفة الدله بيدها

هذولا عيال حسين والمدح فيهم لاق

رجال تداو كبود وكبود تلهدها

تمجدهم الافعال بالعز والميثاق

مايحتاج ب ابيات القصايد نمجدها

اهل ماقف في يوم تنشف به الأرياق

تورد حججها والخصم مايوردها

بيوت الاماره قبل ياتي ختم و اوراق

مع اللي جمع شمل القبايل و وحدها

معبد ذرا من جار وقته وصدره ضاق

قبيله لها تاريخ والفعل يكدها

فـ كل يوم والنا فـ صفحة المفخره استحقاق

على امجادنا امجادن تضاف وتجددها

ياحرب الدول يانصرة البيرق الخفاق

نعز الخوي والجار والقوم نهجدها

ي كم من سجين من سببنا يجيه اعتاق

مواقف شيوخ العفو كلن يشاهدها