كلمات اغنية الخيل من خيالها والنار من شبابها خالد ال بريك

الخيل من خيالها والنار من شبابها خالد ال بريك كلمات

جعل الخيال اللي مقاديمه يناقره الهبوب

عصرية منها يحجب الشمس قـدم غيابها

يعم وجهه وجـه دارا لاحقه قـل وشحـوب

بينتا الايـام فـيـه مـن الـردى مـلـهـابـها

يدفع نـحـر ربانها شـرقية قبل الـغروب

حتى تراكا لـ المزون اللي كسر بـ اسـبـابـها

بـراقها كـنـه يشب النار في عـرضه شبوب

يجذب سنا براقها عودا يـحـسـب حسابها

والارض راحت يد غيدا خضبت بخضابها

يسمع وحا رعادها وعيونه لصيف الجنوب

هـو والـحلال اللي يحبه في رجا صـبـابـها

فالليل سرايا رزيمه والمطر وبله صبوب

روايحا تسلب مـن وجـيـه الديار تـرابها

والصبح ماها يلطم الجيان ويفج الدروب

كل الدروب الميته كنه يقول ادرى بها

تباشرو به بدو نجد اللي يخضون العشوب

اهـل الـبـكار اللي تـشـابه لـ العصي ارقابها

يبون مدهالا خلا بالناس ماهوب معروب

تزمي عليه من الجنوب المنخره وهضابها

والسقس يرفع فالطويل اللي على مهذابها

يتل مقدمها الطخافه والغزيل واللعوب

وعوبا تقول انك تطق مع الهوى مشرابها

ياعيال زيد الله خلق والله فرق كل محسوب

الخيل من خيالها والنار من شبابها

فيكم يقف مدح الكلام وتشعم النار الجذوب

بالسمعه اللي تكسب عيون الرجال اعجابها

وفيكم حصانا ينطح الصعبات وكبار الوجوب

الطيبه دايم وهي في لحيته واشنابها

عبدالمجيد اللي اتذري فزعته كل مهيوب

جمايله في كل مجلس للعرب يحكابها

ترا المقاطي فزعته دايم تجي طب القلوب

لاضيقت على البنادم فالسعه ترحابها

تفخر عتيبه في فعوله والعرب من كل صوب

مواقفه مهيب صفحه تنطوي فـ كتابها

له منكبا على الحمول الكايده دايم طروب

حمول بقعا تشتكي من منكبه ماهابها

الرايد اللي رايدا بالطيب في كل الخطوب

يضرب بحد العزوه اللي بينا مضرابها