كلمات اغنية محزم مطير ماجد خضير

محزم مطير ماجد خضير كلمات

انا البارحة جريت صوتي وانا طربان

اغني على الايام جعل السنين تعود

ياراسي تعنز وأنت طيب وشانك شان

ولا تلحق الشرهه ولا تلحق المنقود

مادام الظفر منجى ودام الكريم معان

عسى الله يغسل قلوبكم يالقلوب السود

تبون الحصان يطيح واثر الحصان حصان

مايقدر عليه الا الله الواحد المعبود

تسوون ولا ما تسوون انا موجود

ليا صارت الحاجة تهذب بدون عنان

ولا دونها الا قدحة النار فالبارود

علي الطلاق اني لأخذها على الذرعان

وأقول المحازم راهية والبرا مردود

عيال القبيلة كل ابوهم وساع بطان

ولا فيهم الهافي ولا فيهم المقرود

ليا راحت الدنيا الدنية على النيشان

تجيك الفزوع اللي مثل طلقة العبرود

سلامي على عبلان وعيال أبن عبلان

ليا صارت الدعوة ممارا وقدح زنود

ركون القبيلة فزعة الضايق المضهود

على علي ابن عبلان بيت المديح يصان

هذا الوافي اللي وقفته ماعليها زود

ليا جيت له ما صد عني وأنا بلشان

يقول أحتزم مادام راسي يشم النود

يحذف الدراهم ويتقهوى من الرسلان

ويطنخ براس هيبته هيبة ابن سعود

يوقف على الميقاف ويجمل المطران

على همه وطاله وفزعة وطيب وجود

عليه المديح اللي تسولف به الركبان

على دلة صفرا وطيب عليه شهود

هذا محزم مطير العظيمة كبار الشان

هذا الوجه الأبيض والنبا الطيب المحمود

زبون الهقاوي مارد الظامي العطشان

وسيع البنايد هيبة الصارم المجرود

على مدحته ماني منافق ولا غلطان

أماري في ابن عم حزامه يرد الذود

ابو فارس بيوت المدايح عليه سمان

ويستاهل الحايل ويستاهل المفرود