كلمات اغنية زعيم الشرق الاوسط فيصل المداريه

زعيم الشرق الاوسط فيصل المداريه كلمات

علي فازع القرني

اداء والحان فيصل المداريه

جرافيكس ومونتاج سهم العبادل

هندسه صوتيه ناصر الشيباني

كلمات

زعامة الشرق الاوسط عرضه وطوله

عند ابن سلمان في حكمه وفي ظله

رجل المهمات كل يستمع قوله

له وقفة مع بلاد العرب والمله

اسمه مع قادة العالم وله جوله

الصعب ياصل لابوسلمان ويحله

للمملكه هيبة حضور وله صوله

لاصار في الاقتصاد العالمي عله

خلى الرياض الحبيبه مجدها تطوله

فيها القرار السياسي ينرسم كله

حنا دعاة السلام ودوم ندعوا له

ما نقبل الا طريق الحق وندله

والحرب والله لو تقرع لنا طبوله

حنا لها سيدي مانعرف الذله

شعبك بوقت العزاوي تذهل فعوله

عدونا له نسن السيف ونسله

وقت الملاقى نضيم الخصم ونهوله

طويق من يقدر يزيحه ويشتله

لنا مواقف وابد ماهي بمجهوله

تاريخ يكتب وكل دون سجله

ترى السعوديه العظمى هي الدوله

اللي ما لاحد عليها فضل غير الله

دار بها رجالها تـاريخ وبطوله

ارض الحرمين والتوحيد والقبله