كلمات اغنية ربعي الرجبان فايز الدوسري

ربعي الرجبان فايز الدوسري كلمات

والله ان مانيب محتاج تنبيه ووصاه

اعطي حقوق النشامى واعرف الموجبه

شاعر ماهوب ينشب لسانه في جماه

هاجسه بالشعر حاضر ليا حان طلبه

هاجس في ساحة الشعر له ذوق وشفاه

يمزج سنين التجارب بفن الموهبه

مايجيب الا قصيد يشد الاتنباه

يقدع من عذوق الابداع لازان ا رطبه

بتنقى ندره بين دره وذهبه

يكبر الموضوع وتذلله روس الدهاه

كل قرم طيب جده وعده يجذبه

مثل بن وضحان مطحس على ربعه ذراه

مثل ظل طويق ماهو كما ظل خشبه

سمعته بالطيب سارت مع كل اتجاه

تتنبه ياللاش والا عسى ما تنتبه

وبن كميخ فايز اللي يشوقنا نباه

ابلج يمناه بالطيب ماهي مجدبه

ركن ربعه لا غدى فالمواضيع اشتباه

وقفته في المعضله ثابته ومجربه

رايه تطرخ على كل ضلع ومرقبه

وترفع لجمعى ربوعي على روس النباه

من طلبهم فالمواجيب يبشر بعجبه

ربعي الرجبان والعز يامال الغناه

حن مجاذيبه وحنا عموقه وعربه

مقطع حقوق الدواسر واهل وجه وجاه

وكل فعل مايورخ لنا ماننسبه

حن مقيده الجمل حن مطوعه العصاه

كم وقفنا قبل ذا النب في عتق رقبه

عزوة نقدم على الموت ونبيع الحياه

الرفيق ننومسه والمعادي نغضبه

ومن نصانا يبشر بوقفة تقطع ضماه

نتقدم للمواقيف ونحل نشبه

فعلنا بين القبايل تناقله الرواه

كاتب التاريخ بالعز والمجد كتبه

من زهمنا ساعة الضيق لبينا نداه

لاثقل حمله نقلنا الحمل عن منكبه

يامن الخايف ليا من وسمنا له عصاه

يمنه وسم الدواسر ولحد يقربه

في نهار يعرف الرجل طيبه من رداه

نحمد الله كل علم جميل نكسبه