كلمات اغنية هجن السند غريب ال مخلص

هجن السند غريب ال مخلص كلمات

يادوحه الامجاد بك مجد له العالم يشوف

شيخ تسلسل من شيوخ وقدوه لاخيارها

تميم عز ابلاده وعز الشعب خطل الكفوف

الي من اشواره هل الحكمه تعقد اشوارها

في ظله الهجن الاصايل عانقت دهم القنوف

عزز مكانتها وطور فالبلد مضمارها

لين اصبحت من لاقتصاد الي يقدر بالالوف

صارت تنافس ناطحات السحب في اسعارها

خطوات اصيل تخطف عقول العرب وابصارها

فجا نحر مبريه ذرعانها مع كبر جوووف

امعزله واخفافها حجم الهلل معيارها

لاروحت من سرعها كن الهجن معها وقوف

حافظ عليها من قلوب اهل الحسد وانظارها

يزها بها شعار الكفو ذرب النباء كنق السيوف

المسند الي من غلاها حافظ مقدارها

امثال نوضا اربع سيوف وكل خلق الله تشوف

شقراء تواصيف الذيابه فاذنها واعذارها

تنهي وهي طربه زبدها مابعد ناش الكتوف

ومن الشمق لو ماقبضوها واصلت مشوارها

سيف الموسس بسمها ولا اختلف مغارها

وسيف الامير الوالد اللي مكسبه كل الشفوف

مع نسيم الي مثل ورك الفرس فقارها

وفن الختامي سيفه مسجل باسمها بالحروف

يوم اقبلو واوحت مناديها فزاد اطيارها

ومع حاضرين اللي قوايمها مثل رقص البلوف

يروح سيف المهرجان اللي زهاه اشعارها

ورمانه السيفين فيها من الظبي لاقفا وصوف

فارض الكويت وفالسعوديه وهذا كارها

وسيف الثمامه يحمل اسم له مكانه ومعروف

مركاض ذيب صيدته حقق على مسارها

وختامي دبي الشريعه فرقت كل الصفوف

اقفت على سيف الامارات وضوت به دارها

جاتك تشابه للفهد عجله تطوف الهجن طوف

من سرعها خطر الشداد انه يقص زوارها

اما كذا كسب الفخر لاجا المداحم بالكتوف

ولا بلاش من الهجن قعدانها وبكارها

ما يعتلي روس القمم بالعز قلب فيه خوف

ترى المعالي يظفر ابها اللي يصالي نارها