كلمات اغنية الذكرى مسعود بن شعفول

الذكرى مسعود بن شعفول كلمات

هذي سنة خير لو لـ النار نفاخ كير

شي عليها يفوح وشي يشلوطه

الغيث خبطه يخلي كل وادي يسير

والنبت في مرتع السود الزيان خبطه

وانا الا قد عطايا الله و اهلها بخير

الحاكم اللي على عرشه ما عاد اغبطه

لو ان في خاطري زر يدله عصير

لا مالت الشمس وانقاد الضلال اضغطه

مصور كل ما مر الامير لقطه

يقوده لـ جرحي المدفون سلك الحرير

ماهوب يسمح ايلين يفله ويمشطه

بين الحبايب توقع كل حاجه تصير

و ابليس بين الحبايب حية مرقطه

يكبر الحبه اللي كبر حبة شعير

ايلين تكبر وتسمن سمنة مفرطه

أبث همي و حزني لـ السميع البصير

الواحد اللي يخيب حيلته و خططه

والغالي اللي كواني تحت ظلع قصير

لو ان ماهوب غالي ما دمحت غلطه

كسر لو انه ينوشه بـ اصبعه فلطه

احاول اكون عادي واخفي الحزن غير

العين فيها غمش والصوت فيه شحطه

وان قلت انا باتخطى وصل طيفه مغير

متسلط ماعرف ويش اللي مسلطه

ربطني بـ راحتينه مثل ربطة الاسير

ايدينه مربطه و ارجيله مربطه

لا انا تشاليت من صده وعينت خير

ولا تهنيت به و انحلت اللخبطهط