كلمات اغنية شاص الظبي محمد ال نجم

شاص الظبي محمد ال نجم كلمات

العز له ساعه تحتاج فعل وصمود

ويظفر بها اللي على خوض المعارك جري

في كل ميدان لاسمه فالتحدي وجود

ومن لابته يتفخر فيه ابدوي واحضري

شرواك يامسلم الوارد عريب الجدود

اللي حضورك له اصحاب الوفا تحتري

وتحما مقامك يابو ماجد والامه شهود

علقتك مجدك ورى المريخ والمشتري

ومنومس اصحابك بفعل يشوق وطري

والعز يبقى على لافعال طول العقود

وراسك من الطيب وفعول المراجل ثري

دامك من الصيعر الي فالشدايد اتسود

وفعل ن على قمه العليا ماهوب انكري

هل خوه ما تغيرها الدول والحدود

وهل صمله صدق ماهي موقف مظهري

وجددت لامجاد يوم ان القبايل حشود

وتحدي ابطال ومن الزمط ماهو صري

ومنافس رجال بخيار الهجن والجهود

والفرق فالسابق اللي شكلها جوهري

الفارق اللي بها كون النوادر دري

شقرا وصوف الظبي في زولها والعضود

ومفرع ن فارتفاعه من لحمها عري

الى ارتفع عنها الاستار صوب العمود

يابري حال المنافس لانظرها بري

مركاظها يخلف العاقل ويشفي الكبود

يطرب له اللي على كسب الصداره ضري

نوعيه مثلها ما تعيض فيها النقود

تذخر ليوم به الاخصام ترجع قري

العود معها يشوش اتقول ماهوب عود

تقول هذا شباب ن ما بعد له ذرري

الشاص معها وهي تزها الصداره وزود

هذي هي اللي بيبقى ذكرها ينطري

سلمت يمينك ياماجد وانت شبل الاسود

ولابطال تفعل على الواقع ماهي تفتري

دامك ولد من نباه الذرب كمبود عود

الشامخ مسلم بن الوارد الصيعري

شهم ورث طيبه المشهود من راس عود

ذكره على صفحه امجاد الفخر ينقري