كلمات اغنية وريث شيوخ خالد ال بريك

وريث شيوخ خالد ال بريك كلمات

قريحتي ماهي تاكسي مكده

اكدها في كل صبح وعشيه

ولا تبي الا واحدن صيت جده

معروف فالاسلام والجاهليه

ياوصلن ضيف الله العلم رده

وصل سلامي مع جزيل التحيه

للي لا وقف موقفن صار قده

الساس طيب والعزايم قويه

ابن عميره حي راسه وعده

وريث شيوخ تحتمي كل هيه

والنعم كلمه وحده ماتسده

سبعين نعم بحق مثله شويه

ويبين لا دور خوين خويه

لانه سلايل محتمين الاشده

يشهدلهم ميدان نجد العذيه

اهل مهارن دايم مستعده

كم اكتفو من هجمتن ضحويه

ليالتقو بساحتن مجرهده

زيزومهن عقاب زبن الونيه

يخلي سروج الخيل والجمع ضده

كن الجماجم فالحزوم برديه

من حد ضرب مجربن ضرب حده

ياما نطل من راس راع عبيه

المعتزي واللي منول يوده

امسو عشاء لذيب ولا الحديه

وذخر حرارا سيرتن مستمده

ماجد وريث السيره الاوليه

صيته من الدمام لا بحر جده

كم فك من مسجون وانهى قضيه

مشو على نهجه وسوو سويه

مقدام جمعن يوصل العلم حده

الاد المغير لا اعتزو في عطيه

لو قدمهم جمعا مهيلن تهده

روسن تطابخ من سطر وحمويه

ماقلتها ابغاء ياابيض الوجه مده

لاكن طرب ومن حقوقك عليه