كلمات اغنية لاطرى طاري سبيع حمد الطويل

لاطرى طاري سبيع حمد الطويل كلمات

وش يقول اللي ماساق الوجه من شان العموله

كل ما شاف الخلل واضح على الشم الرواسي

وده ان الليل لا أرخى فوق خلق الله سدوله

مايمر إلا يداوي جرح ولا انه يواسي

ضيقت الايام للي يعشق الطوله عجوله

مايريح بالها إلا كل ماطاح متواسي

ماطلبنا رحمتك ورضاك يالعين الخجوله

اسمنا ماهوب عرضه للتلاشي والتناسي

اترك اللي مجدهم خلف المكاتب والكراسي

مرحبا في محفل اللي قوله يقول ويطوله

عند عمي واسمه الراسي يذري كل راسي

ايه عبدلله رميزان نبراس الرجوله

اذكره واذكر فعوله دايمن ويشوش راسي

لا تقدم فالمهمه ياخذ شعار البطوله

فالزعامة والقرامه حطم الرقم القياسي

دون وجهه مايحسب اللي بقى له من سيوله

لو مايملك له عقار ولا ملك شركة تكاسي

وانت يامحمد على دربه وزحلن من زحوله

مستحيل الاحتياطي يفعل فعول الأساسي

اسمع اللي ماتبي واذكرك لو كنت ناسي

الطلاحين نعرفهم والكفو نعرف فعوله

قبل ترسيم الحدود وقبل توزيع الجناسي

من عوايد لاد ابن فرعون تكسب كل طوله

بالفعول اللي نباها دايمن يجلا عماسي

مشكلتهم مع عداهم كان ماهيب محلوله

حلها بالسيف ياللي تطلب الحل السياسي

من طمع فيهم نسى كل الكلام اللي يقوله

راح عمره منجرف خلف المواجع والمآسي

دايم الغلباء مع التاريخ ماهيب مخذوله

لا طرا طاري سبيع يزيد فالواقع حماسي