كلمات اغنية عراف نجد خالد ال بريك

عراف نجد خالد ال بريك كلمات

هاض فكرا يلعب القاف بفنونه

يبدع الجزله ويبني معانيها

لأبدى ليل السمر غنت شجونه

مع نجوم الليل يسري مساريها

في مجرات بها النفس مفتونه

تسلب أيام العمر في مشاهيها

يجذب الشاعر خياله ومضمونه

في سما الابداع يرسم قوافيها

هقوته عليا والانذال يعميها

والرفيق الي نبا الطيب بعيونه

نظرته من باقي الطيب يكفيها

يستحق تصون خوته وتصونه

في تقاليد الرجال ومباديها

وان بدى له لازم تنثني دونه

مثل مايعطي المواجيب تعطيها

عند رايد باح فكري بمكنونه

والمثايل لأبيض الوجه نهديها

رايد الي ينقل الحمل بمتونه

دون ميقاف القبيله وداعيها

فزعته عجله وينشاف حاميها

والحميه في اصوك الراس مرهونه

بالسطر والعز ماهوب يخطيها

لابته وقت المهمات ينصونه

يحتمي دون المواقف ويحميها

المراجل رسم دربه وقانونه

وفي دروب المجد رجله معنيها

ورثه حرا على شكله ولونه

والحرار فروقها من مجانيها

سمعته عطره وربعه يعدونه

لا عطت سود الليالي خوافيها

مجلسه عراف نجد يدلونه

فيه لشفوف الطراقي مغانيها

من سمان الحيل ماتخلي صحونه

عادتا في مجلسه مايخليها

من سلايل ساس الأمجاد وركونه

سيرته كتاب الأمجاد ترويها

لاثقل شيل الحمل ثقل من دونه

باني صروح المعزه وحاميها

يعرف ابن الشاذي وتعرف فنونه

ماضي الأفعال بأول لياليها

أبلجا حكام نجد يعرفونه

من مشاهير الرجال ودواهيها

لاوزابه كايد العلم ياهونه

عوجته حلو المشاريب تغثيها

مارده طراشة البعد يردونه

وان لفت هزل الركايب يعشيها

وفي سبيل الخير ما قفت ضعونه

حاضر الأجيال تشهد لماضيها

وربعي الي غالي المدح يشرونه

في سما الطاله تسامت باساميها

اسمهم يعزف له الشعر بلحونه

يفتخر في لاد شكر وعزاويها

لاد شكر مربط العز وحصونه

تبني العليا بعالي مراقيها

لاتحامو كل صعب يهدونه

وان تنصتها الشلايل تحييها

لارتكز عج الرمك واحتما كونه

تكسب الطاله بطوله يمانيها

يلطمون الشره والبيت يبنونه

جمعها سحم الضواري يباريها

والدواسر زاهي المدح يزهونه

في تواريخ العرب شاع طاريها

محتمين الدار والجار يحمونه

سلمها وسم العصا والسطر فيها

والزهر في مرتع الخوف يرعونه

تنثني دون العشاير وتحميها