كلمات اغنية عاصمة القرار خالد ال بريك

عاصمة القرار خالد ال بريك كلمات

دقيت سلف الجيب والخطه على افضل مايرام

ابتمشى ف الديار اللي لها صيت وصدى

نويت أسير في مناطق مملكتنا ب اهتمام

على العلوم الغانمه ماهي على ضيعة جدا

من نجد عاصمة القرار الصعب عنوان السلام

يستبدي الهاجوس مابين الخبر والمبتدا

واصلت دربي والطريق يحدني قبله وشام

واستلهمت نفسي تقديني وانا راعي قدا

لاجيتهم كلن ينادي للعشاء ولا الغدا

والنعم اهل حايل رياجيل المواقيف العظام

ي طيبها ديره واهلها من عدوين الردى

اخذت لي يومين فيها واستوى مسرى الظلام

ناوي على شرق الوطن ديرة بعيدين المدى

من زارها في حبها ماهو ملحقني ملام

حتى ولو ان التعب حاصل ماهو ذاهب سدا

واستكمل الطرقي طريقه والطريق العام عام

صوب الجنوب اللي بجوه غرد الطير وشدا

من يوم جيته رحبي بي ي هماليل الغمام

اللي على شانك يجونك من بعيدين المدا

ولقيت ف اوراق الشجر منقع ل قطرات الندى

ي محلا صيف الجنوب اللي نزورة كل عام

لوني اقضي كل وقتي فيه ي جعله فدا

لكن نجد احبها بالحيل مافيها كلام

ابنهي الرحله وابرجع والدليله ماغدى

ي نجد انا قلبي على شانك مولع ب الغرام

والقلب لامنه تعلق لاستراح ولاهدا

نسمة هواك ارق من نظرة عيون ام اللثام

وامتع من الشاعر ليا منه نظم ولا حدا

اثر التقاعد زين لايوجد دوام ولاستلام

ادور السجه ومشواري على كيفي بدا

وذكرت راع الاوله نسل الرياجيل الكرام

من روس حرب اللي بمنهاج المطانيخ اقتدى

خالد محمد ولد غالب من رفيعين المقام

راع الحميه شامخ الوقفه مثل ضلع الهدا

هذا الفريق الصامل حزام السعد نعم الحزام

الواثق اللي في فعول الطيب مامعه معدا

اليا نصيته مالقيت إلا الوفاء والاحترام

ريف الضيوف وعز ل أصحابه وسقا للعدا

هذا الصحيح ومدح خالد من على صدري وسام

واللي يقول الحق ماعمره عن الصدق احتدى