كلمات اغنية امر تدلل متعب بن دخنه

امر تدلل متعب بن دخنه كلمات

يالخليل امر تدلل من بحور الخليل

القوافي لك عسايف وانا ذللتها

جيت صدفه في طريقي وانا عابر سبيل

ويوم شفتك رحلة الحلم ما واصلتها

انا كنت ادور التمر من روس النخيل

وشفت ثمرة من ثمار العنب واكلتها

فيك شي من حقيقة وشي مستحيييل

مثل فكرة في خيالي ولا وصلتها

كل نسمة جاتك وجابها الجو العليل

والله لو تاقف على راحتي قبلتها

يوم اشوفك كل ليله ما كنه راح ليل

كل عوجا من كلام العرب عدلتها

وانا مهتم لـ سوالفك لو طولتها

سولف وخل اهتمامي مع الطرف الكحيل

فيه كل احلامي الضايعة حصلتها

ولا تدور من كلامي على حبك دليل

نظرة اعيوني تكفيك لو حللتها

كلمة احبك بسيطة ومعناها ثقيل

يكفي ان قلبك سمعها وانا ما قلتها

الحقيقة ندرة الشي فالشي القليل

والعذر من مدة الوصل لا قللتها

انت وصلك مثل بيتين معناها جميل

خفت ينقص مستواها ولا كملتها