كلمات اغنية مجنون زاب ثروت وساري هاني

مجنون زاب ثروت كلمات

بفتح الريموت أقلب

بسيب أفكار جديده جوه راسي تتدحلب

بصب شاي وأقلب

مكنش ليا فيه

بقى الكافيين في جسمي أكتر من الدم اللي فيه أكتر من الدم اللي فيه

بفوق وبجهز وأنا مش ورايا حاجة

مستعد وبستعد كل يوم لأي حاجة أي حاجة

حاسس بالخطر سامع المطر

بردان برتعش إيه اللي حصل إيه اللي حصل

ببص من بعيد علي بكرة ومش لاقيه مش لاقيه

بكره جاي كمان دقيقه مش خايف ليه

غريب الزمن محسوب بالورقة والقلم

مهنة غريبة بنغني علي الناس

بنقولهم أفكارنا وأفكارنا مش أفكارنا في الأساس

باصص علي التلفاز مشغل المزيكا سارح في اللوجو الوحش هناك في الكورنر

طرف الشاشة الكبيرة

أدوات الإنشغال هي اللي مشغلانا

بفوق من الداي دريم على صوت الغسالة

صوتها عالي عمالة تصيح محتاجة تصليح هي وحياتي

مأجل كذا حاجة بحاول أأخر جلد ذاتي

Doomed doomed doomed do doomed

انا مجنون

Doomed doomed doomed do doomed

راسي مسكون

Doomed doomed doomed do doomed

بحارب الهلاوس

بنافس مركز اول في الهواجس

السن مش أفضلية عارف ولا صياعة تبقي كبير

مافيش جديد هنحس بيه حسينا بكل حاجة

مش هنتصدم بجد

لا هنمثل السذاجة

ده الفرق بينا يا صاحبي

انت اللي لسه ساذج فاكر الدنيا ماشية بالدراع وبالمشاكل أو الوجع اللي إنت حاسه دلوقتي حالا مالوش آخر

خبر حلو ليه اخر

خبر وحش هيتاخر

عشان في وجع أكبر منه هييجي ياخد مكانه فا من الآخر مفيش آخر كل ما تقول وصلت هتكتشف انك لسه

عالطريق مسافر

لسه مسافر هه

Doomed doomed doomed do doomed

انا مجنون

Doomed doomed doomed do doomed

راسي مسكون

Doomed doomed doomed do doomed

بحارب الهلاوس

بنافس مركز اول في الهواجس