كلمات اغنية لا نادوا الابطال خالد ال بريك

لا نادوا الابطال خالد ال بريك كلمات

مابين قلبي وهاجوسي ماشي يحول

القلب هاوي وهاجوسي حظر مهتوي

ياجامعين الذهب يامغلقين القفول

الله يسهل طريق الصادق المنتوي

وانا ليامن بغيت السالفه ماتطول

اوقدتها في كنف صدري وجيت سروي

والله ماتقعد بخفاقي تصول وتجول

عزالله اني لا واردها لعد روي

وتقدمي يامقلطت الكلام القوي

المدح واجب لرجال كساه القبول

من دافع انصاف ماهو دافع معنوي

المسلم اللي على الفطره ونهج الرسول

الحق يمشي على دربه ودربه سوي

سلام تسليمت الواثق من اللي يقول

واليا حظر فالمواقف جا لصوته دوي

للي لغير المكارم مال قلبه ميول

يعيش راس على جزل الفعول حموي

ماهوب لاحول ولا حولين عشرين حول

هذا غدا مستوي هذا عشا مستوي

من كثر ماقالوا الظيفان جعلك قوي

وحنا اليانادوا الابطال قمنا نقول

يافاضل بن ثروي يافاضل بن ثروي

حر الياكبرت القالات تلقى الحلول

عند المعازيب يابن سعود يابن جلوي

لك فالمجره مكان و فالبسيطه فعول

وشلون تمشي على هـ الارض وانت علوي

لاهاب خطوا الولد من شيل بعض الحمول

حملك تشيله ومعه تشيل حمل الخوي

خلقك ربي يابو فيصل للاربع فصول

ماتلتوي لو مقادير الزمن تلتوي

العلم فالراس والدعوى بخرج الرحول

سجلتها في سجلاتي قبل تنطوي

ياطيب الراس تستاهل وحسب الاصول

الفعل فعل قوي والمدح مدح قوي