كلمات اغنية رغيف العيش شعبان عبد الرحيم

رغيف العيش شعبان عبد الرحيم كلمات

غيرت ليه شكلك يا رغيف .. انا نفسي اشوفك مره نظيف

مليان مسامير وسجاير .. وفي الميزان ناقص يا خفيف

كنت زمان طري ومفقع .. مفيكش سوسه ولا مرقع

دالوقت شكلك مش مضبوط .. اسود على ابيض ومبقع

طلعلي م الطاقه ملعبط .. وجهك كمان كله مشعوط

لو صوروك مع كوره شراب .. اتوه مابينكم واتلخبط

الناس عليك عاملين زحمه .. متكونش اهم من اللحمه

ومهما تعمل فينا يا رغيف .. ميجوزش عليك الا الرحمه

مع انك انت رغيف مدعوم .. لكن بس يا ناس مظلوم

شبهوك ولاد الحرميه .. ومن وراك لهفو المعلوم

انا نفسي يتحسن شكلك .. ونتبسط واحنا بناكلك

لو كل واحد عنده ضمير .. هتنتهي كل مشاكلك

كل الغلابه هيدعولك .. ونفسي اشوفك حلو ظريف