كلمات اغنية ابلج صالح اليامي

ابلج صالح اليامي كلمات

هذا هو مصافح شداد المهرجان

يعني نتيجة خنجره ساعة زمن

أبلج على راسه يصب الزعفران

وعلى يمين محمد يصب السمن

أقلطي يانسمة الغربي على الصدر الشمالي

لا تحاتين الجروح السيف مايجرح جفيره

ضيف صدري حقه الفنجال الاول من دلالي

قبل اقول علوم ضيف الصدر ويقول الستيره

راسي من الشعر كنه محزمي مهوب خالي

واهس كله قصيد ومحزم كله ذخيره

القريحة ودها تخدمني وتخدم مجالي

كل تأخيره تشوف أنها ردا مهيب خيره

لذة الناموس تنشدنا عن أبلج يا خوالي

والله أن كنها تقول الفوز مايزهاه غيره

كيف خذ رمزين في حروة شهر هذا سؤالي

مستحيل تشوف مثله حق في شبة الجزيره

كنه يقول استريحو ودي أسابق ظلالي

يرقبه رمزه وترقبه الجماهير الغفيره

غارته غارة شجاع مايشوف العمر غالي

حي وجه ماتعرقل غارته شمس الظهيره

فيه من شاهين جور السبق والشكل الخيالي

سمعته عاشت مثل سمعت هله في كل ديره

فك قيده للبعيد وفك قيده للموالي

منهو اللي من بداية تسعه يسبل بعيره

ضامنين سبقته حتى لونه قام تالي

يكفي أنه بسم شاعرنا وعبدالله يديره

كل شوط فيه ضغط يجيه عود ضغط عالي

مايضيع مسايره لا جات الأمتار الآخيره

مانسيت الكلمة اللي قبل فترة قالها لي

يا سعيد أنا الكبير اللي طموحاته كبيره

طاري ال مشيط يطلق وجهي ويطلق عقالي

أفتخر لا جالهم في المجلس المليان سيره

عز ياروس إلى كثر الرمي عند المتالي

تستر الطرف الكحيل وتمن الملحآ النظيره

مثل مايرضي ضميري مدحهم ويسر بالي

عندهم شعر يسر المبدع ويرضي ضميره