كلمات اغنية تفاركنه احمد الساعدي

تفاركنه احمد الساعدي كلمات

عليك اعتابي لو حگك علية

هذا الموت ياخوية اشبدية

انة امن ايدك اخذتني المسافات

وانت امن ايدي ماخذتك منية

سوة اتواعدنة شو هسة انفردنة

صار افراگنة وچنة انحسدنة

انت ابلاية چف علمشرعة اهناك

وآنة وية الگطع چفك سبية

أنة اتمنيت ارفرف فوگك اجناح

وفييلك واشربك دمعي وارتاح

بس أخذوني منك هاي هية

لو بس هيچي هانت

بس الفشلة غيرك يحدي بية

اجينة وممشة نهران امن اجينة

تراب اجروفنة مايدري بينة

تعبنة وصارن اعيونك محطات

بعد ما اضن مثلها اتصير جية

رجعنة ودمعة افراگ اعلة ادينة

وغير اموادع الخوة اشلگينة

صفينة ابگاع المعاتب فلاليح

زرعنة اعيونة وخضر بچينة

عليك الخوة ذيج ارجعلي عباس

هسة اعيوني طاحت

بعد شيطيح اذا جنتي المسية

هية الخوة راحت

شنو الغالي وبعد يسوة الوصية

اشد اكوار الهموم واجيلك

وافكهن يمك واترس شليلك

علية اخفافهن صارن ثگيلات

هدل حملي الچتاف الله وكيلك

اجيك وجرحي ما اگلك لچمني

لچم نص عمري بس كلي هدمني

صرت گاع ومساحي الخيم طعنات

صبغ دخانهن وجهي وصبغني

على الشفتة امن اسولف تطلع اجروح

على الماشفتة يمكن تطلع الروح

روحي ابهيمه تاهت

واذية تشيلني تذبني ابأذية

شيلة گلبي طاحت

وشيلة راسي ضلت زينبية