كلمات اغنية راعي الحرشا صالح اليامي

راعي الحرشا صالح اليامي كلمات

الوطن حقه علينا وتوجيبه

يعرف إنا من جنوده وخدامه

كل ماجات العزاوي نماريبه

الله يذريه ويعز حكامه

الملك سلمان صفا مشاريبه

سلمه مفتاح الامجاد وخطامه

لبسه بشت على العز ضاريبه

لين خلاه يتوطا على اخصامه

واعتلا بالمجد قمة مراقيبه

بالتطور يسبق الوقت درهامه

قدم اللي يرمي الخصم ويصيبه

درعه اللي يشبه طويق وحسامه

من محمد ذخر سلمان وإقدامه

افتخاره واعتزازه وترحيبه

بالسعودي كل ماحقق احلامه

الوطن كل المعالم تغنيبه

والمواطن في ذرا البشت واكمامه

وكل من شن العداوه بأساليبه

يدفنه تحت البسيطه مية قامه

والمزاين كل الأقطار تدريبه

وانتصاراته وطاريه وإعلامه

غزوة تدرج رحاها وتوميبه

من جهل بأسلوبها تطحن عضامه

وقعة لاصابت العضم تبطيبه

ماتبا الا واحد تثبت اقدامه

يوم جا ميدانها مقدم عتيبه

راعي الحرشا بشلفاه وحزامه

ينطح الأخصام بالعزم والهيبه

ويتبجح ومهيوبات عزامه

تاخذه بالغصب وتحطم ارقامه

من حصله عنه صده وتجنيبه

ماتقدم وابن جدعان قدامه

نادر مثل الهنادي مخاليبه

وأرجح مايضرب إلا على الهامه

مايهد إلا يحقق مطاليبه

ولا يثور الا اليا قامت قيامه

كل ماشاف المصادم يهليبه

خيل الحرشا اليا شاف غرامه

مايعانق غير الأمجاد من طيبه

ولا شرب غير الاوايل من فطامه

من تهقوا بمهيوبات ياشيبه

لا يشره والرياجيل لوامه

تاخذ إعجاب الجماهير وتجيبه

والغتر في ساحة العرض عوامه

فوقها مزن من الخام توميبه

كل وحده تاخذ الشوط بعمامه