كلمات اغنية سنة خزام صالح اليامي

سنة خزام صالح اليامي كلمات

هذي سنة خزام ياهل المجاهيم

يدري به اللي كان ماهوب داري

يرشحه جمهور ولجان تحكيم

ماله من فحول الجزيره مجاري

بعير قرم ما تهمه لساويم

ولا عرض به بين بايع وشاري

لا هد جا للطرش يمه دواهيم

وكثرو عليه اهل الغرف واللواري

ضوه تسفر في ظلام الغداري

وعقايره حشو سمان مراديم

والطيب للبن اليماني مباري

مطنوخ راس فزعته تبعد الضيم

عون الضعيف اللي وطته الجواري

عود يجمل في كبار الملازيم

فعله جعل له طيب سمعه وطاري

وخزام هرش من ورا كل تقييم

مجمع بالزين كل المواري

انتاجه يشوش بروس الشغاميم

ويعومس اللي طاري له طواري

قدام صبح الشوط غابش وساري

جولاتها ماهيب تحتاج ترقيم

صمخ من ادنا مثل ضرب السواري

فهق الظهور مطلوحات المقاديم

طفح اللواحي والعواتق عواري

ياهل الصياهد وقف السين والجيم

ولا يعترض في دربنا الا انتحاري

نركي على كبد الخصيم المواسيم

ما عندنا الا نار والشوط ناري

من شاف جحاده قنع بالمقاسيم

حتى المرا ما عاد وده يماري

اليا اقبلت كنها تهايق على الغيم

ودك توقيها فراش القفاري

يوم احتمت ساحة عراض الدراثيم

قد روحت بوشاح لول اجباري

جعل الخيال اللي رعوده مرازيم

ويفرا مثانيه من البرق فاري

يودع مفاليها مثل روضة خريم

ينفح شذاها كل ما هب ذاري