كلمات اغنية يا صاح صالح اليامي

يا صاح صالح اليامي كلمات

ياصاح جنب لا تجي مرتع الريم

حاذور من سهم مع الجو طايش

سهم من أقواس الحدق فيه تسميم

جرحه عميق و يودع الفكر دايش

يرميه خشف ما يهاب المواثيم

توه صغير السن بالزين شايش

و إلا عنود تدهل القلب و تقيم

ترعى الحشا بين الضلوع المشايش

نجل العيون اللي هدبها صواريم

من لاعته ناشه من الموت نايش

كم فارس قبلك تجزع من الضيم

مطروح لا يقوى و لا هو ب هايش

أهل القدود المترفات النشايش

و تبششن له بالثمان المناظيم

و أثر البلا من عقب هاك البشايش

كم ضحكة سرت قلوب الشغاميم

و عقب الهنا و الضحك جرت بلايش

هذا الهوى مبداه قطر من الغيم

و أتلاه أنقع من سموم الهوايش

و العشق وأهل العشق سقم ومساقيم

كم واحد ميت و لو كان عايش

انشد عليم وخل عنك التواهيم

و احذر و لو حاشك من النفس حايش