- “الأرنب والسلحفاة”
مرة كان فيه أرنب وسلحفاة اتفقوا يعملوا سباق، الأرنب كان سريع جدًا، لكنه كان مغرور فقرر يستريح، لكن السلحفاة فضلت تمشي ببطء لحد ما كسبت السباق. - “الأسد والفأر”
في يوم الأسد نام، وفجأة الفأر صحاه. الأسد زعل وقرر يأكله، لكن الفأر قاله “ممكن أساعدك يوم”. بعدها الأسد اتأسر والفأر قطع الحبل وأنقذ الأسد. - “البطة القبيحة”
كان فيه بطة شكلها مختلف عن باقي البطات، وكانوا بيسخروا منها، لكن بعد فترة كبرت واكتشفوا إنها بجعة جميلة جدًا، وكلهم حبوا شكلها. - “العصفورة والريح”
العصفورة كانت طايرة في السماء، والريح كان بيحاول يقعها، لكنها كانت شجاعة واتمسكت بالشجرة، وما وقعتش. - “الثعلب المكار والدجاجة”
الثعلب حاول يمكر بالدجاجة علشان ياكلها، لكن الدجاجة كانت أذكى منه، وفضلت تخدعه لحد ما هربت من فخ الثعلب. - “الشجرة الطيبة”
كان فيه شجرة كل يوم بتعطي التفاح لطفل صغير، ولما كبر فضل يقطع منها لحد ما بقت جذع بس، وفي الآخر قعد يرتاح عليها. - “الدب الكسول والنحل”
الدب كان كسول، دايمًا بينام وما بيعملش حاجة، وفي يوم قرر ياخد عسل النحل من غير ما يتعب، لكن النحل علمه درس إنه لازم يتعب علشان يحصل على اللي عايزه. - “الحصان والعصفورة”
الحصان كان بيشتكي إنه مش بيعرف يطير زي العصفورة، لكن العصفورة قالته إنه كل حد ليه ميزة، وإنه بيجري بسرعة ويقدر يسبق أي حيوان. - “الفيل الصغير والحكمة”
الفيل كان صغير وكان دايمًا بيتنمر عليه الحيوانات، لحد ما كبر وبقى قوي، لكن ما انتقمش منهم، بل سامحهم وعلمهم إنه القوة في الحكمة. - “القطة والفأر”
القطة والفأر كانوا دايمًا بيتخانقوا، لحد ما في يوم اتفقوا يعيشوا مع بعض بسلام، وفضلوا أصدقاء من وقتها. - “النملة والجندب”
النملة كانت بتشتغل طول الصيف وتجمع أكل، والجندب كان بيلعب وما اهتمش، ولما جه الشتاء ما لقى الجندبش حاجة يأكلها، فالنملة علمته أهمية الشغل. - “الكلب والعظم”
الكلب كان ماشي في الغابة، شاف عظم في المية وقرر ينط يجيبه، لكن اتفاجئ إن دي كانت انعكاسه في المية، وتعلم ما يكونش طماع. - “العصفور والحبة”
العصفور الصغير لقى حبة قمح، وبدل ما يأكلها، زرعها وصبر لحد ما بقت شجرة كبيرة فيها كتير من الحبوب. - “الأرنب الصغير والجزر”
الأرنب كان بيدور على الجزر كل يوم، وفي يوم لقى جزرة كبيرة جدًا، لكنه فضل يشاركها مع كل أصدقائه بدل ما يأكلها لوحده. - “البطة والشمس”
البطة كانت بتحب الشمس، وفي يوم الشمس غابت والليل جه، فالبطة اتعلمت إن لكل حاجة وقتها وإن الليل جميل برضه. - “الغزالة والماء”
الغزالة كانت بتشرب من النهر وشافت انعكاسها وقالت “أنا جميلة”، لكن ما أخدتش بالها من الأسد اللي كان مستنيها، وده علمها ما تكونش مغرورة. - “الديك الذكي”
الديك كان بيفضل يصحي كل الحيوانات كل يوم، لكن في يوم قرر ما يصحيش، وكل الحيوانات تأخرت عن شغلها وتعلموا إن الديك مهم جدًا. - “السمكة الذهبية”
السمكة الذهبية كانت بتحلم تعيش في البحر الكبير بدل الحوض الصغير، ولما راحت اكتشفت إن فيه خطر، فقررت ترجع لحوضها الآمن. - “الثعبان والطاووس”
الثعبان كان بيحاول يمكر بالطاووس علشان يسرق ريشه الجميل، لكن الطاووس كان سريع وأفلت منه واتعلم الثعبان إنه ما يحاولش ياخد حاجة مش بتاعته. - “الحمار الذكي”
الحمار كان بيتعامل على إنه غبي، لكن في يوم وقع في بئر، وبدل ما يستسلم، فضل يهرب كل ما الناس يحاولوا يدفنوه، لحد ما خرج سالم.
مجموعة قصص اطفال قبل النوم مكتوبة بالعامية
سنعرض لكم الكثير من القصص باللغة العامية لكي تقص على الأطفال قبل النوم، ومن بين تلك القصص ما يلي:
كان يما كان في يوم من الأيام، كان في مجموعة من النمل ماشية في سرب بتجفف الأكل اللي جمعته في الصيف، وفجأة جاء لهو الصرصار وطلب منهم أن ياخد من النمل أي حاجة ياكلها عشان جعان، سألته النملة وأنت معكش أكل ليه؟ مجمعتش أكل ليه زي كل الصراصير إللى زيك؟، قالها عشان أنا كنت بألف الموسيقى إللى بحبها، قالتله خلي الموسيقى تنفعك مش هنديك حاجة، وهنا نتعلم أننا نعمل إللي علينا عشان منطلبش من حد حاجة ويرفضهالنا.
أقرأ أيضًا:ﻗﺼﺺ ﻗﺼﻴﺮﺓ ﻋﻦ فن الرد.. فنون الرد والقصف مكتوبة
في يوم من الأيام كانت في بنت أسمها حنان جابت هدية عيد الأم لأمها، وكانت البنت دي متعودة أنها توري كل حاجتها لأي حد، وفي يوم، زارت أم حنان صديقتها ومعها بنتها في سن حنان، دخلت حنان والبنت يلعبوا في الأوضة، فجأة خرجت البنت الصغيرة صحبة حنان بتعيط وبتطلب من جدتها إللى هي صاحبة أم حنان أن هم يروحوا البيت، وافقت الجدة، وبعد أن مشيت، سألت أم حنان بنتها وقالت: هو أيه إللي حصل؟، ردت حنان: معرفش يا ماما أنا كنت بوريها هدية عيد الأم إللى جبتهالك، ردت أم حنان على بنتها وقالت: مش كل حاجة بنوريها لأي حد، ومينفعش الناس تعرف كل حاجة عن حياتنا، البنت دي مامتها متوفية عشان كدا زعلت أن مش عندها أم تجيبلها، ردت البنت: أنا أسفة يا ماما مش هحكي حاجة تاني لحد، ومن القصة دي نعلم أولادنا أنهم ميحكوش حاجة لحد.
أقرأ أيضًا:قصص قبل النوم للأطفال بها عبرة
كان في بطتين وسلحفاة صحاب، ففي يوم من الأيام البحيرة اللي كانت فيها البطتين جفت، فالبطتين عاوزين يمشوا من المكان دا يدوروا على مكان تاني، راحوا البطتين للسلحفة وقالولها دا، السلحفة ردت: خدوني معاكم انا كمان مش هقدر أعيش من غير ماية، البط قال: طب أحنا بنطير إنتي ممكن تيجي إزاي، في فكرة لو نجحت هتيجي معانا يا سلحفة، ردت السلحفة: أيه هي الفكرة؟، البطتين قالولها أنتيه تعضي الخشبة دي وأحنا هنحطها بين منقارنا، ولو فضلتي عاضة على الخشبة هتنجح الفكرة وهتيجي معانا، قالتلهم السلحفة: موافقة وأنا مش هتكلم خالص، فلما بدأو الطيران، سمعوا الحيوانات وهم بيضحكوا ويسألو أزاي السلحفة بقت بتطير بسخرية، فردت السلحفاة، وفي الوقت إللى ردت فيه خالفت الاتفاق وفتحت بوؤها ووقعت على الأرض، أخدها البط من على الأرض وقالوا، مش أحنا أتفقنا أنك متتتكلميش عشان متقعيش، قالت ما هم إللي ضايقوني ونسيت الاتفاق، فنتعلم أن لما حد يتفق معانا علىحاجة منخالفش الاتفاق عشان منأذيش نفسنا أو نأذي حد.
أقرأ أيضًا:قصص قبل النوم خيالية ومميزة
كانت دودا من البنات الجميلة في مدينة رائعة متواضعة، فكانت دوددا بتعمل آيس كريم لذيذ جداً، فيوم جالها ملك المدينة وهي مكنتش تعرفه، فعملتله آيس كريم زي اللي بتعمله للناس في المدينة، وكان الملك دا عوز دوددا تفضل عنده في القصر وتعمله هو بس، فرفض دوددا وقالله: لا أنا هنا بعمل الآيس كريم للناس كلهم عشان أفرحهم مش هينفع أجي معاك، قام الملك حبسها، فضلت الناس تسأل على دوددا ومحدش يعرف عنها حاجة، لحد ما قررت الخادمة في قصر الملك أنها تقول على السر دا، ولما الناس وأهل المدينة عرفوا، راحوا قدام القصر يهاجموا الملك لغاية ما طلع دوددا من سجن القصر، وهنا بنتعلم أننا أما نحاول نفرح الناس وبنحبهم حقيقي بيدافعوا عننا ومش بيسيبونا في ضيقة.
قصص الأطفال باللغة العامية من أكثر أنواع القصص التي يفضلها الأطفال وخاصة في الفئة العمرية الصغيرة التي لا يمكنها فهم كل تالكلمات، فقد قدمنا إليكم الكثير من القصص بالعامية التي يمكن الاستعانة بها قبل النوم في كل يوم.
