كلمات اغنية تيم الحدث صالح اليامي

تيم الحدث صالح اليامي كلمات

في ليلة ذعذع هواها من اقصاه

لا حت على الوثبه بروق السحابه

السيف من دار الفلاحي خذيناه

والى خذينا السيف مابه غرابه

صوب الوسيل اللي على العز مبناه

قصر يدل مدور الحق بابه

قصر سليل المجد والعز والجاه

ما فيه مجد إلا بحضرت جنابه

و العز سيف في يمينه نصابه

تميم اخو روضه يكفي مسماه

شيخ عطاه الله قبول ومهابه

أن فاز وان ما فاز يضحك محياه

للضيف في سلمه وقار و رحابه

عز الركض بالمشترا الكاش واحياه

من باع حول بيعته في حسابه

وغير المواطن ما يضمر مطاياه

ويش الوطن لولا سواعد شبابه

والسيف لو يبغيه بعدين جبناه

ياتي به اللي في القسا ينغزا به

وسالم إلى منه نوى السيف جابه

عود يصب السمن من فوق يمناه

ولا خاب منهو في اللزوم اعتزا به

ورمز المراجل وانشدو واحد جاه

ومضمرا في الركض يحسب احسابه

ويوم اجمعو للظبي حيل مسماه

مرتهم ودقت طبول الحرابه

حمرا على سبق المنافس مضراه

ومعوفة راعي الهجن في ركابه

خصيمها فالشوط تخلف نواياه

الين يستعجل ويفقد صوابه

ظبي على شرد الجوازي مسماه

ومن بينها وبين الادامي تشابه

و من خفها في الارض كنها موصاه

ميقاع يدها ماتحرك ترابه

من سرعها كنها مع راس منحاه

و قامت وجات وتيمها ينحكى به

والتيم في الوثبه تحتها دفناه

تيم الحدث حنا السبب في خرابه