كلمات اغنية ايقونة الحسن سالم بن مغيثه

ايقونة الحسن سالم بن مغيثه كلمات

أيقونة الحسن للأشواق برقن يلوح

يذكرك قلبي لكن قلبك نسى ما عرف

انك هنا فـ الحنايا لك مكانه وروح

واني على طلت محياك عمري انصرف

طاريك لا مرني افرح وارحب وابوح

يقلط بصدري واضمه ما يقلط طرف

الله وهبك الحلا وأعطاك وجهن سموح

وجهن به الزين متقلد وسام الشرف

والمبسم إليا حكا عذب الكلام انغرف

تدلع بقلبي أنت يحق لك وبوضوح

لايق عليك الدلع والغطرسه والترف

للحين وأنسام عطرك فـ الأماكن تفوح

لبيييه يانسمة قلبي معاها انجرف

يا أجمل أيام عمري ذكرياتك جروح

هو من متى صار حبك ذنبي المقترف

اسمع فؤادي ينادي يا حبيبي لحوح

لا تحرم العاشق اللي في هواك اعترف

تشوفني مرحله عدت واشوفك طموح

ما اصدق من الكلمه الا الدمع يوم انذرف

انا غرامي لـ غيرك ما انثنى وانحرف

احضني بعينك النجلا وخذني وروح

خذني على قد حبي لا تغض الطرف