كلمات اغنية حمامن يغني عبد المنعم العامري

حمامن يغني عبد المنعم العامري كلمات

حمامن يغني على راسي فني ... شجاني و حني و انا في حسوفه

وهيض غرامي نواح الحمامي ... جروحي جدامي بالفواد عوفة

و عيني هميلة شرات المخيلة ... جرى الدمع منها سرعٍ هطوفه

لنظرات خلي انا مشتعلي ... و شوفه يسلي وصده كلوفه

سباني وداده و الفؤاد زاده ... وقلبي مراده يبا بيشوفه

حسين الدلالي فريد الجمالي ... و لا له مثالي قليله وصوفه

جديله مدني وحيله يرن ... ونقشٍ محني زهت به كفوفه

وعينه ثليله وخشمه سليله .... وخده شعيله بروقٍ زفوفه

وكشحٍ سليبي نعيم البيبي .. وخصرٍ جبيبي تعلت ردوفه

وعودٍ لياني شرى الخيزراني ... حسين المعاني مليه طروفه

ولا ينصخابه لطيف الجنابه ... وانا في طلابه احيد معروفه

ويرحم متيم به الحب تيم ... وكنه يتيم رمت به ظروفه

رماني زماني بحب الغواني ... وهو ما رحمني ولا فيه خوفه

يواعد ويخلف ولا عاد ينصف ... وانا يوم يحلف قبلت محلوفه

اصدق مقاله وارضى بخياله ... ولا ابغى بداله بعد قط توبه